MEGAUPLOAD အပိတ်ခံရပြီ။

ကမ္ဘာကျော် နံမည်ကြီး FileSharing ဆိုဒ်တစ်ခုဖြစ်သည့် megaupload ကို ယခုကြာသပတေးနေ့က ပိတ်ခံလိုက်ရပါသည်။
၎င်းဆိုဒ်ကို တည်ထောင်သူ၊ ကုမ္ပဏီဝန်ထမ်းများကိုပါ တရားမဝင်ရုပ်ရှင်၊ တေးသီချင်းနှင့် အခြားအရာများကို ဖြန့်ဝေမှုဖြင့် တရားစွဲဆိုထားသည်။

တရားစွဲဆိုသူများဘက်မှ megaupload.com သည် မူပိုင်ခွင့်ပိုင်ရှင်များကို အနည်းဆုံး ဒေါ်လာသန်း ၅၀၀ ဖိုးခန့် နစ်နာစေခဲ့သည်ဟုဆိုသည်။
ထိုအဖြစ်အပျက်သည်အမေရိကန်ကွန်ဂရက်တွင်ပြဌာန်းရန်ကြိုးစားနေသောအွန်လိုင်းမူပိုင်ခွင့်ဥပဒေသစ်ကို
wikipedia အပါအဝင် အခြားသောဆိုဒ်များက ကန့်ကွက်ကြောင်းဆန္ဒပြပြီး နောက်တစ်ရက်တွင်ဖြစ်ပွားခြင်းဖြစ်သည်။

၎င်းကုမ္ပဏီသည်Hong Kong အခြေစိုက်ဖြစ်သော်လည်း အချို့သော မူပိုင်ခွင့်နှင့်ငြိစွန်းသည် အရာများမှာ
American ပြည်ထောင်စု ဗာဂျီးနီးယားပြည်နယ် Ashburn ရှိ ငှားရမ်းထားသောဆာဗာများတွင်ထားရှိကြောင်းတွေ့ရသည်ဟု
အစိုးရဘက်မှ တာဝန်ရှိသူများကပြောကြားသည်။

တရားရေးဌာနမှ ထိုဆိုဒ်ကိုတည်ထောင်သူ Kim Dotcom (၃၇ နှစ်) နှင့်အတူ အခြားဝန်ထမ်း (၃)ဦးကို နယူးဇီလန် အောက်ကလန်မြို့တွင် ဖမ်းဆီးထိန်းသိမ်းထားသည်ဟုဆိုသည်။
တရားရုံးမှ ဟောင်ကောင်အခြေစိုက် ထိုကုမ္ပဏီနှင့်ဆက်နွယ်သည့် ဒိုမိန်း (၁၈)ခုကိုလည်း ပိတ်သိမ်းထားသည်။
တရားရေးဌာနမှ နိုင်ငံ (၉) နိုင်ငံအတွက် ရှာဖွေခွင့်ဝရမ်း (၂၀) ကျော်ထုတ်ပေးခဲ့ပြီး ဒေါ်လာ (၅၀) သန်းနီးပါးရှိ ပိုင်ဆိုင်မှုများကို ထိန်းသိမ်းထားသည်ဟု ဆိုသည်။

တရားစွဲဆိုသူများဘက်မှ ထိုဆိုဒ်သည် မူပိုင်ခွင့်နှင့်ငြိစွန်းသည့် အရာများကို ဆိုဒ်ပေါ်တွင်တင်ရန်
အားပေးထားသည်ဟုဆိုသည်။

ထိုဆိုဒ်တွင် အခပေးသုံးစွဲသူများအနေဖြင့် မူပိုင်ခွင့်နှင့် ငြိစွန်းသည့်အရာများကို တင်၍ထိုလင့်ခ်များမှတစ်ဆင့်
တစ်ကမ္ဘာလုံးသို့မျှဝေနိုင်လေသည်။
ထိုဆိုဒ်ရှိ အချို့သောဖိုင်များကို အခမဲ့ရယူနိုင်သော်လည်း၊ ဒေါင်းလုပ်မဆွဲခင် စောင့်ဆိုင်းမှုကို ရှောင်ရှားခြင်း၊
အချို့ဆိုဒ်ကြီးသောဖိုင်များကိုရယူခြင်း၊ မြန်နှုန်းမြင့် ဒေါင်းလုပ်ရယူခြင်းများ၊ ဖိုင်များစွာကို တစ်ပြိုင်နက်
Download ဆွဲခြင်းများအတွက်မူ အခပေးရန်လိုအပ်သည်။
၎င်းဆိုဒ်တွင် မှတ်ပုံတင်အသုံးပြုသူ သန်း (၁၅၀) ကျော်ရှိပြီး နေ့စဉ်ဝင်ရောက်ကြည့်ရှုမှု သန်း(၅၀) ခန့်ရှိသော ဆိုဒ်ဖြစ်သည်။
၎င်းအနေဖြင့် ကြော်ငြာများမှ ဝင်ငွေရှာဖွေရရှိသည်။

ထိုဆိုဒ်တွင် ဖိုင်များကိုလူတိုင်းရှာဖွေခွင့်မပေးထားခြင်း၊ လူသိများထင်ရှားသော မူပိုင်ခွင့်နှင့် ငြိစွန်းသည့် အရာများကိုလူတိုင်းရယူနိုင်သည့် ဖိုင်များစာရင်းတွင်ပယ်ဖျက်ထားခြင်းတို့ဖြင့် တရားဥပဒေကို လက်တစ်လုံးခြားလုပ်ခဲ့သည်ဟု စွပ်စွဲထားသည်။

ဆိုဒ်တည်ထောင်သူများဘက်မှလည်း ၎င်းတို့ဆိုဒ်၏ သုံးစွဲမှုအများစုမှာ မူပိုင်ခွင့်နှင့်ကင်းလွတ်သောအရာများဖြစ်ကြောင်း ငြင်းဆိုခဲ့သည်ဟု ဆိုသည်။

ref; http://kglay4it.blogspot.com/2012/01/megaupload.html

Posted in: နည်းပညာ,သတင်း